WATUMISHI WA MAHAKAMA KAHAMA NA BUKOMBE WAPEWA MAFUNZO YA KUTUMIA KOMPYUTA

Juni 27, 2014.

WATUMISHI WA MAHAKAMA KAHAMA NA BUKOMBE WAPIGWA MSASA.

WATUMISHI wa Idara za Mahakama wakiwemo Mahakimu na Makarani  wa Wilaya za Bukombe na Kahama juzi wamepata mafunzo ya kutoka katika mfumo wa karatasi kwenda katika mfumo kwa Kopyuta (JSBS) kwa lengo la kukuza ufanisi katika maeneo yao ya kazi waliopo.

Mafunzo hayo ya siku tano yalifanyika Mjini Kahama yalikuwa na lengo la kuwajengea uwezo watumishi hao wa kufanya kazi kutoka katika mfumo huo wa zamani wa karatasi kwenda katika mfumo wa Kopyuta unaotumiwa na taasisi nyingi kwa sasa hapa duniani.

Mwezeshaji wa Semina hiyo kutoka idara ya Mahakama makao Makuu Samweli Fredrick alisema kuwa mafunzo hayo yatasaidia kupata ripoti kwa urahisi kutoka watumishi hao kuliko ilivyokuwa hapo awali walipokuwa wakitumia mfumo wa karatasi.

Fredrick alisema kuwa mfumo wa karatasi uliokuwepo awali kuwa ukiwawia vigumu kupata taarifa kwa haraka pindi zinapotakiwa kwa kuwa watumishi hao walikuwa wakitumia mfumo wa zamani wa kutumia karatasi hali ambayo ilikuwa inachukua muda mrefu.

Alisema kuwa kwa kutumia mfumo mpya huu wa Kopyuta itaweza kuwasadia kupata taarifa kwa haraka kwa kila mahakama hapa nchini pindi zinapotakiwa na msajili wa Mahamakama hapa nchini au viongozi wengine wa ngazi za juu hapa nchini.

Kwa upande wake Mratibu wa Semina hiyo Gadiel Marick alisema kuwa semina hiyo imewashirikisha washiriki 32 kutoka katika Wilaya za Bukombe na Kahama na kuongeza kuwa mafunzo hayo yanatarajia kuleta mabadiliko makubwa ya utendaji wa kazi katika idara ya mahakama

Aidha Mratibu huyo aliendelea kusema kuwa Watumishi wa Mahakama awali wengi wao walikuwa hawajui mfumo wa kutumia Kopyuta hali ambayo kwa kupata mafunzo hayo hayo itakuwa ni chachu kwao katika utendaji wa kazi wao kwa kutumia mfumo huo mpya katika idara ya Mahakama hususani katika Wilaya hizo.

Marick alisema kuwa huu ni muda muafaka kwa Watumishi hao kupata mafunzo hayo hasa ukizingatia Wilaya za Bukombe na Kahama zimekuwa na mrundikano wa Matukio mengi ambapo kesi zilizopo Mahakamani nyingi na kuongeza kuwa kwa mafunzo mafunzo yanaweza kuwa ni moja sehemu ya kupunguza kesi zilizopo.

Mwisho.