BARRICK WAWAPA SOMO WAFANYABIASHARA SHINYANGA

Na Raymond Mihayo.

KUENDESHA Biashara bila ya kufuata misingi ya Sheria, taratibu na kiwango cha juu cha maadili ni moja kati ya Changamoto zinazowakabili Wafanyabiashara Mkoani Shinyanga kupata fursa ya kufanya biashara na Migodi ya Barrick Tanzania.

Kutokana na kupungukiwa kwa vigezo hivyo kumesababisha Wafanyabiashara hao kukosa fura za kuomba zabuni katika migodi hiyo hali ambayo imefanya wale walipo nje ya Mkoa wa Shinyanga kupata fursa hizo.

Pia tumezoea kuona jamii iliyopo karibi na Wawekezaji wa aina yoyote ikifadika kutoka na rasilimali zilizopo katika eneo husika lakini kwa Wafanyabiashara walipo katika Mkoa wa Shinyanga hususani katika Wilaya ya Kahama wakikosa fursa hizo.

Ukiangalia sababu muhimu za kukosa kuchangamkia fursa hizo ikiwa ni pamoja na kufanya biashara na Mwekezaji huo ni pamoja na kuwa Elimu duni, bidhaa zisizokuwa na kiwango pamoja na kufuata maadili biashara.

Kwa hali hiyo imekuwa ni kazi kubwa kwa Wafanyabiashara walipo katika Mkoa wa Shinyanga kupata fursa hiyo ikiwa ni sambamba na kutoungana kwa pamoja na kuwa na mitaji mikubwa kwa ajili kupata fursa za kupata nafasi ya kufanya biashara na migodi hiyo.

Tangu kufunguliwa kwa migodi hiyo ya Barrick ya Bulyanhulu na Buzwagi ni Wafanyabiashara kutoka nje ya Mkoa wa Shinyanga wamekuwa wakipata nafasi ya kufanya biashara na migodi hali ambayo ni changamoto kwa wale waliopo katika maeneo husika ya Migodi ilipo.

Katika migodi hiyo kuna fursa nyingi za kibiashara kama vile za mayai, Nyama, Mboga za majani  na hata matunda lakini kwa kutokuwa na mitaji mikubwa ya kuendeshea biashara hizo imekuwa ni vigumu kupata fursa katika migodi miwili na hivyo kuwaacha wale wan je ya Mkoa wa Shinyaga wakineemeka.

Kutoka na sababu hizo  Kampuni ya Barrick Bulyanhulu na ile ya Buzwagi iliamua kuendesha Mkutano wa siku moja mjini Shinyanga  kwa ajili ya kutoa Elimu ya kufanya biashara na  Migodi hiyo kwa lengo la kuwapatia fursa ya kufanya biashara na migodi hiyo iliyopo katika Mkoa wa Shinyanga.

Hapo awali kulikuwa na malalamiko ya juu ya Migodi hiyo kuwa ilikuwa ilkielekeza nguvu kubwa katika kuwapatia nafasi Wafanyabishara kutoka nje ya Mkoa wa Shinyanga kufanya nao biashara za manunuzi huku wale wa ndani wakisahaulika.

Kati ya malalamiko hayo ni pamoja na na zile biashara nadogo kama za matunda, na hata mbogamboga ambazo wale Wafanyabiashara waliopo katika eneo husika wamekuwa wakikosa nafasi hizo hali ambayo ilizua malalamiko miongoni mwao.

Filbert Rweyemamu ni Meneja Mgodi wa Barrick Buzwagi akizungumzia kuhusu suala hilo anasema kuwa wanafanya ununuzi wa ndani kwanza kwa kuzingatia  thamani  bora kila iwezekanapo  na kuongeza kuwa huo ni mpango endelevu wa Kampuni.

Rweyemamu anasema kuwa kanuni za ushindani bora wa kibiashara unajumuisha gharama pamoja na jumla ya bidhaa pamoja na mtazamo wa pamoja katika suala zima la kiusalama , Afya na mazingira yalipo katika Mgodi huo.

Anasema kuwa faida za ununuzi wa ndani  wa jamii inayozunguka mgodi ni kushirikiana na Wafanyabishara wa ndani kuendeleza uchumi wa ndani ya nchi na eneo husika uliopo mgodi husika pamoja na kutoa fursa katika ngazi ya jamii za katika kujishughulisha katika masuala ya kibiashara.

Pia anasema kuwa lengo jingine ni kuongeza fursa za ajira na kuongeza ubora wa bidhaa zinazopatikana hapa nchini  na kuongeza ufanisi wa wagavi wa ndani ili kuongeza pato la Serikali kupitia kodi mbalimbali.

Anasema kuwa faida zinazopatikana katika ununuzi wa ndani kwa Kampuni  ni pamoja na kupunguza thamani ya bidhaa zinazoifadhiwa kwa wingi na kuongeza mzunguko wa fedha katika kufanya uwekezaji kwenye miradi mingine.

Aidha anasema kuwa pia ni kuounguza muda wa kuagiza na kusafirisha bidhaa kutoka nje ya Mkoa wa Shinyanga pamoja na nje ya nchi  na kuongeza kuwa hii inasaidia kuwa raia Mwema katika jamii inayowazunguka katika Kampuni yake.

Anasema kuwa changamoto zinazowakabili Wafanyabishara wazalendo ni  kuonyesha uwezo wao kwenye kipimo cha  (PQQT) ikiwa na maana bei za ushindani  ni za juu kuliko bei za nje  ikiwa sambamba na ushuru na usafiri.

Anasema kuwa ubora wa bidhaa au huduma, Idadi inayohitajika,  pamoja na muda wa kuchukua kutoka kupata  PO hadi kufikisha kwenye Kampuni ya Afican Barrick  Gold Mine.

Rweyemamu anasema kuwa kushindwa kutoa majibu ya haraka kuhusu bei  na upatikanaji wa bidhaa pamoja na ka kutoweza kutoa mawasiliano ikiwa kuna matatizo au uchelewaji  ambao haukutarajiwa nayo pia imekuwa tatizo kubwa.

Meneja Mkuu huyo wa Mgodi wa buzwagi anabainisha sababu au changamoto inaowakabili wafanyabiashara wa Mkoa wa Shinyanga kuwa ni pamoja na kuendesha Biashara zao bila ya kufuata misingi ya kisheria , taratibu  na kiwango cha juu  cha maadili.

Anasema kuwa pia hakuna ushirikiano baina yao  na kuwa na ushindani usiokuwa na mtazamo wa kibiashara  na kukataa kuungano ili kupata kazi kubwa ya kufanya katika Kampuni hizo za Barrick Buzwagi na ile ya Bulyanhulu na pia Wafanyabiashara kuridhika na kutotaka kujiendeleza .

Anasema kuwa Usajili wa madaraja ya chini  kwa Wakandarasi, kuondesha biashara zsao kwa majina yao binafsi  na usalama juu ya taratibu za kazi na uzalishaji na utunzaji mazingira pia moja ya changamoto kubwa zinazowabaili wafanyabiashara kutoka Mkoa wa Shinyanga.

Anasema kuwa Mpango ulionao Kampuni za Barrick kwa sasa za kuondeleza Ugavi wa ndani  ni kuongeza ukubwa wa biashara inayofanyika ,ukongeza idadi ya bidhaa na huduma zinazonunuliwa katika maeneo husika  au yote hapa nchini.

Pia kuwajengea uwezo ili waweze kufikia viwango vinavyotakiwa na Afican Barrick kwa muda maalumu na kuangali taratibu zinazoweza kufikiwa kirahisi na wagavi wazalendo  bila ya kuathiri taratibu za Afican Barrick Gold Mine.

 Mkuu wa Mkoa wa Shinyanga Ally Rufunga akifungua mkutano huo uliandaliwa na Kampuni ya African Barrick Gold Mine anasema kuwa Wafanyabiashara hasa wa Mkoa wa Shinyanga wanapaswa kujua kuwa wao bado wana fursa kubwa ya kufanya kazi na migodi hiyo miwili.

Anasema kuwa anawashukuru pia Uongozi wa Migodi hiyo miwili ya Buzwagi na Bulyanhulu kwa kufanya mkutano na kutoa Elimu kwa Wafanyabiashara hasa wa Mkoa wa Shinyanga katika kufuata Sheria na muda katika kuendesha biashara zao hasa katika maeneo ya wawekezaji wa Migodi.

Mkuu huyo wa Mkoa wa Shinyanga anasema kuwa Wawekezaji wanataka bidhaa zenye kiwango na kuongeza kuwa kwa kutumia Mkutano huo Wafanyabiashara wa Mkoa waShinyanga hawana budi kubadilika na kuongeza kuwa kama kuna masuala ya kiserikali yanayowasumbua basi ofisi yake ipo wazi kwa kutoa kutoa ushauri wa kibishara.

Pia Rufunga anawaomba Kampuni hiyo kuwa na utaratibu wa kuendesha mikutano kama hiyo mara kwa mara kwa lengo la kutoa Elimu kwa Wafanyabiashara hao hali ambayo inaweza kuleta mabadiliko hasa kwa Wafanyabiashara wa Mkoa wa Shinyanga kuweza kuchangamkia fursa zilizopo katika migodi inayowazunguka.

Mkutano huo wa siku moja uliofanyika mjini Shinyanga ulijumuisha Wafanyabiashara kutoka Mkoa wa Shinyanga na wale ambao tayari walishaanza kufanya biashara na kampuni hiyo huku lengo kubwa likiwa ni kutoa Elimu kuhusu kuweza kupata fursa za kufanya biashara na Kampuni ya Barrick.

Nao Wafanyabiashara waliohudhuria katika Mkutano huo wanatoa shukrani kwa kupata Elimu hiyo ya Baishara na kuongeza kuwa sasa watabadilika na kuchangamkia fursa zilizopo katika Migodi hiyo badala kulala huku watu kutoka nje ya Mkoa wa Shinyanga wakifaidika

mwisho

picha namba 0056 Mkuu wa Mkoa wa Shinyanga Ally Rufunga akifungua mafunzo ya Wafanyabiashara wa Mkoa wa Shinyanga alioandaliwa Kampuni ya Barrick Golg Mine.

picha namba 0015-Meneja Mgodi wa Dhahabu wa Buzwagi Filbert Rweyemamu akielezea faida za wafabiashara wa Shinyanga kufanya biashara na Migodi ya Barrick.

picha namba 0042 Baadhi ya washiriki wa Mkutano huo wakisikiliza kwa makini maelekezo kutoka mwezeshaji wa Kampuni ya Barrick.

picha namba 0049- baadhi ya Wafanyabiashara walioshiriki katika Mkutano huo wakiongozwa na Mkuu wa Mkoa wa Shinyanga Ally Rufunga na Meneja Mgodi wa Buzwagi Filbert Rweyemamu.