VIONGOZI WA DINI NA WANASIASA WATAKIWA KUWA MSTARI WA MBELE KATIKA KUHUBIRI AMANI

VIONGOZI  wa Siasa na Wale wa Madhehebu ya Dini hapa nchini wametakiwa kuwa mstari wa mbele katika suala zima la kuhubiri amani katika Mikutano yao na sehemu za ibada ili watanzania waweze kujua umuhimu wa kjuwa na utulivu hapa nchini.

Hayo yalisemwa juzi na Alfred Mtaule aliyekuwa Mgeni Rasmi kwa niaba ya Mkuu wa Wilaya ya Kahama Benson Mpesya katika warsha ya siku moja iliyoandaliwa na shirika lisilo la Kiserikali la Search for Common Ground kupitia mradi wake wa Amani.

Mtaule alisema kuwa kwa kuwatymia viongozi wa Siasa pomoja na wale Dini suala la Elimu juu ya amani linaweza kuwafikia jamii ya watu wengi kwani wao ndio wanaokuwa nao kwa wingi zaidi kuliko watu wa aina yeyote ile.

“Kuwa kiongozi wa siasa au wa dini ina maana ni kuielimisha jamii ili iweze kuelewa kwa kundi kubwa kwa pamoja na hali hiyi itafanya wanatanzania wengi kuelewa juu ya suala zima la kudumisha amani tulio nayo”, Alisema Mtaule

Alisema kuwa kukiwa na amani mambo mengi yanaweza kufanyika ikiwa ni pamoja na watu kufanya shughuli zao bila ya kuwa na wasiwasi wowote hasa jamii iliyopo katika sehemu zenye migodi ambapo mara nyingi huwa na migogoro isiyomalizika.

Kwa upande wake Meneja wa Shirika la Search for Common Ground Jacob Mulikuza kutoka tawi la Tarime alisema kuwa lengo la shirika lake ni kutoa Elimu kwa wananchi walipo kandokando ya Migodi ya dhahabu ya dhahabu  inayomilikiwa na Kampuni ya Barrick.

Mulikuza alisema kuwa Warsha hizo kupitia mradi wa amani wanaziendesha katika Migodi ya Barrick Buzwagi, Barrick Bulyanhulu, Barrick Tulawaka pamoja na Mgodi wa Barrick North Mara ikiwa ni kuwaweka Wakazi wa kando ya mgodi kuwa karibu na wawekezaji hao.

Aidha aliendelea kusema kuwa shirika hilo limeona kubuni mradi huo kutokana na Sehemu nyingi zenye rasilimali zinaonekana kuwa na kutoelewana baina ya wawekezaji wa maeneo hayo pamoja na watu wanaoishi pembezoni kwa wawekezaji hao hususani wale wa migodi.

Warsha hiyo iliwajumisha viongozi mbalimbali kutoka katika madhehebu ya Dini, Watendaji wa kata wa sehemu za uchimbaji wa madini, Maafisa maendeleo ya jamii, Maafisa kutoka katika Migodi ya Barrick Buzwagi na Bulyanhulu pamoja na watu wa kada mbalimbali walishiriki katika kuchangia mada mbalimbali.